Óige

Club do Ghaeilgeoirí óga amháin is ea Club Óige Setanta

Beidh Club Óige Setanta ag toiseacht ar ais arís ar an Déardaoin 22ú Meán Fómhair in ionad óige Rosemount idir 6-8in(in aice le hionad fóillíochta Brooke Park). Beidh club eile ann oíche dé Máirt i gclub óige Pennyburn 6-8in. Tá an club dírithe ar pháistí idir 6-11 bliain d’aois atá ag freastal ar cheann de na trí Ghaelscoil sa chathair. Chomh maith leis na séisiúin seachtainiúil, tá réimse imeachtaí eagraithe againn don bhliain, dioscóanna agus turais mar shampla. Tá na dataí agus na huaireanta do na himeachtaí seo ar fáil ó Shinéad (sinead@culturlann-doire.ie 028 712 64132) má tá suim ag duine ar bith iad a fháil ag tús na bliaina. Tá súil agam go mbaineann sibh úsáid as an tseirbhís seo atá ar dóigh do na daoine óga chun Gaeilge s’acu a úsáid taobh amuigh d’uaireanta scoile, chomh maith le craic a bheidh acu ag an am céanna. Beidh foirm clárithe le líonú amach ar an chéad oíche. Tá turais eagraithe i mbliana do na déagóirí atá ag freastal ar na meánscoileanna Béarla sa chathair faoi láthair nach bhfaigheann an seans Gaeilge s’acu a úsáid níos mó. Tabharfaidh sé seans dóibh a gcuid Gaeilge a úsáid i suíomh neamhfhoirmiúil, taitneamhach lena gcairde. Is féidir na dátaí a fháil ó Shinéad má tá duine ar bith á iarraidh. Beidh an Club Obair Bhaile ag toiseacht arís ar an Luan 19ú Meán Fómhair I nGaelscoil Éadain Mhóir. Tá fáilte roimh gach páiste a fhreastalaíonn ar na Gaelscoileanna sa chathair. Díríonn an club seo ar pháistí ó Rang 3 go Rang 7. Má tá aon eolais eile de dhíth, gabh I dteagmháil le Sinéad ag (sinead@culturlann-doire.ie nó 02871264132).